Umahuluti wa Kiisimu Katika Nyiso za Wabukusu

Abstract

Makala hii inapambanua udhihirikaji wa umahuluti wa kiisimu katika nyiso za Wabukusu zinazotokana na tohara ya Wabukusu kwa mtazamo kuwa tamaduni zinapotagusana zinaathiriana. Tamaduni zenye nguvu hupata nafasi ya kuathiri tamaduni nyingine. Tohara ni mivigha maarufu ambayo ni utambulisho wa jamii ya Wabukusu. Licha ya mabadiliko yanayoathiri jamii katika majira haya ya utandawazi, tohara ya Wabukusu ni mojawapo ya tamaduni ambazo zimedumishwa na kuhifadhiwa. Utafiti ulichunguza nyiso na miviga ya tohara ili kubaini utamaduni wenye nguvu ulioegemezwa katika nyiso za Wabukusu pamoja na kupambanua jinsi miundo ya kiisimu inadhihirisha umahuluti katika nyiso hizo. Makala hii imeongozwa na nadharia ya Umahuluti wa Kiutamaduni. Data ilikusanywa kwa mbinu ya usikilizaji wa kanda za nyiso za Kibukusu na uchanganuzi wa yaliyomo. Data ilichanganuliwa kithamano na matokeo kuwasilishwa kwa njia ya maelezo. Matokeo yameonesha kwamba umahuluti wa kiisimu katika nyiso za Wabukusu unajitokeza kupitia miundo mbalimbali ya kiisimu kama vile ujumuilugha, ukopaji kupitia utohozi, miundo ya kisintaksia kama vile kuchanganya na kubadili msimbo na tafsiri.